მელატონინი არის ჰორმონი, რომელსაც გამოიმუშავებს კონუსისებრი ჯირკვალი (მოთავსებული ჰიპოთალამუსში). იგი არეგულირებს ძილ-ღვიძილის ციკლს. მელატონინი მიიღება ცხოველებიდან ან იგი ხელოვნურადაც მზადდება. ზოგიერთ ქვეყანაში, მელატონინი განიხილება, როგორც მედიკამენტი და მისი რეგულირება ხდება მედიკამენტების რეგულაციის წესების შესაბამისად.

სამედიცინო ეფექტიანობის მონაცემები: ადამიანები მელატონინს უფრო ხშირად იყენებენ უძილობის სამკურნალოდ და იმისათვის, რომ მინიმუმამდე შეამცირონ დღე-ღამის რიტმის დარღვევები და ცვლაში მუშაობის რიტმის ზეგავლენა. ადამიანებს, რომლებიც მოგზაურობენ დროში განსხვავებულ ადგილებში, შეუძლიათ მიიღონ მელატონინი დღისით ან ღამით გამგზავრებისას და 2-3 ღამე დანიშნულების ადგილზე ჩასვლის შემდგომ. ადამიანებმა, რომლებიც ცვლაში მუშაობენ, შეიძლება მიიღონ მელატონინი ძილის წინ.

არსებული მონაცემების თანახმად, მელატონინის დანამატებმა შეიძლება იმოქმედოს ძილ-ღვიძილის ციკლზე. თუმცა, ერთი ფართომასშტაბიანი, კარგად შესრულებული კვლევის მიხედვით, მელატონინის დანამატების გამოყენებით არ მსუბუქდება სიმპტომები, რომლებიც დაკავშირებულია დღე-ღამის რიტმის დარღვევასთან. კვლევების მხოლოდ მცირე ნაწილი ადასტურებს, რომ ამ დანამატებით შეიძლება უძილობის მკურნალობა.

შესაძლო გვერდითი მოვლენები: ძილის მდგომარეობა შეიძლება განვითარდეს მელატონინის მიღებიდან 30 წუთში და გაგრძელდეს დაახლოებით 1 საათი. თეორიულად დასაშვებია, რომ ვირუსული და ვირუსის მსგავსი აგენტებით გამოწვეული ინფექციები შეიძლება განვითარდეს ცხოველების ტვინიდან მიღებული მელატონინის მიღების შედეგად, მაგრამ არა – ხელოვნურად შემუშავებული მელატონინის მიღებით. იმ ადამიანებში, რომლებსაც აღენიშნებათ დეპრესია, მელატონინმა შეიძლება გააუარესოს არსებული სიმპტომები. მელატონინის მიღების პროცესში საჭიროა სამედიცინო მეთვალყურეობა.