კარდიომიოპათია არის გულის საკნების კუნთოვანი კედლების სტრუქტურისა და ფუნქციის პროგრესირებადი გაუარესება.
კარდიომიოპათია ბევრი დაავადების შედეგი შეიძლება იყოს, თუმცა ზოგჯერ გამომწვევი მიზეზის განსაზღვრა ვერ ხერხდება. კარდიომიოპათიის ძირითადი ტიპებია: დილატაციური, ჰიპერტროფიული და რესტრიქციული. ზოგ შემთხვევაში შესაძლებელია ამ ფორმების თანხვდენა. კარდიომიოპათიების დროს ხშირია გულის უკმარისობის სიმპტომები, ზოგჯერ აღინიშნება ტკივილი გულმკერდში, გულის წასვლა, უეცარი სიკვდილი.